LAOAG CITY – Inlawlawag ni Engr. Jonathan Corpuz, ti Acting Branch Manager iti National Food Authority (NFA) ditoy probinsya nga adda ti makaanay a suplay.
Segun kenni Corpuz, ti 29,830 bags nga stock da ket makaanay agingga iti bulan ti Setyembre ken no mabayo dagiti irik ket mainayun daytoy no sadinno agbalin 31,452 a bags.
Mainaig iti daytoy, kunana a ti manamnama a ti panagado ti aglako ket intono bulan ti Setyembre agingga iti Disyembre.
Inbatad na nga iti napalabas a tawen, ti naidispose a bagas ket umabot iti 23,898 idinto nga ita a tawen ket umabot pay laeng iti 2,088 bags ti nairuwar.
Kabayatanna, kuna ni Corpuz a ti nailungalong idi a pannakaipangato ti paggatang ti irik ket saan pay a naaprubran. Innayon na nga urayen da nga urayen da ti proklamasyon ti baro nga administrasyon mainaig iti nasao a lungalong.
