LAOAG CITY – Inlawlawag ni Mr. Victor Dabalos iti PENRO nga awan ti mapaspasamak a panagminas iti Bislak River.
Daytoy ket kalpasan nga adda ti naipost iti social media no sadinno ket adda dagiti agamak a residente gapo iti maipagarop a panagminas.
Segun kenni Dabalos, adda ti inyuswat da a panagsukisok ken monitoring ken awan ti mining activities iti nasao a lugar gapo ta ti panaglibeg ti karayan ket normal gapo iti panagdakkel ti danom ken dumalan pay kadagiti kataltalonan.
Inbatad na pay nga iti paset ti Piddig, adda ti maiyus-uswat a road construction ken no napigsa ti tudo, dagiti pitak ket agayos gapo ta ti maysa a creek ket tributary iti Bislak river.
Inpetteng na a ti panaglibeg ti danom iti Bislar River ket saan nga agpaot nangruna no ti naggapoan laeng daytoy ket ti maar-aramid a dalan.
Kunana a rumbeng nga awan ti pagamkan dagiti residente iti panaglibeg ti danom iti Bislak river.
