LGU-Dingras ken DOH, agpinnirma ti MOA para iti pannaka-empleo ti doktor babaen iti programa a Doctor to the Barangay

LAOAG CITY – Agpinnirma ti Memorandum of Agreement ti lokal a gobierno ti Dingras ken ti Department of Health (DOH) – Regional Office.

Daytoy ket para iti pannaka-empleo ti maysa a doktor babaen iti programa a Doctor to the Barangay.

Segun kenni Vice Mayor Erdio Valenzuela, daytoy ket gapo ta awan pay ti Municipal Health Officer kalpasan a pimmusay ti dati a MHO.

Kunana a babaen iti daytoy ket madutukan to nga in-charge iti Rural Health Unit (RHU) ket ni Dr. Jay-z Formoso.