LAOAG CITY – Tallo a benepisyaryo dagiti matulungan iti naiyuswat a ride for a cause.
Daytoy ti inpakaammo ni Mr. Louie Bonifacio, presidente iti PNP-San Nicolas Advocacy Group.
Kuna ni Bonifacio a dagiti benepisyaryo iti nasao nga aktibidad ket agpapada a residente iti ili ti San Nicolas ken agsagsagaba dagitoy ti cancer ken dumaldalan iti dialysis.
Segun ken ni Bonificia, immuna a nagturong dagiti riders ti ili ti Bacarra ken simmaruno iti Pasuquin, maikatlo iti ili ti Burgos, Adams ken Pagudpud sakbay a nagturong iti Sarrat ken iti ili ti Piddig.
Inbatad na a nagtultuloy pay daytoy iti Carasi, Solsona ken iti ili ti Dingras ken nagleppas iti ili ti San Nicolas.
Inpakaammo ni Bonifacio nga umabot iti 500 a riders ti nakipagpaset iti ride for a cause.
Kabayatanna, kuna ni PCol. Julius Suriben, ti provincial director iti Ilocos Norte Police Provincial Office a babaen iti ride for a cause ket dakkel a makatulong kadagiti agkasapulan nga umili.
Inlawlawag na a saan a laban daytoy ngem ketdi maysa a charity event.
Inpasigurado na nga amin a naukkon a kwarta manipod iti nasao nga aktibidad ket maipaay kadagiti tallo a pasyente nga agkasapulan.
