LAOAG CITY – Immapela ni Bise Gob. Cecilia Araneta Marcos iti Ilocos Norte Electric Cooperative (INEC) nga agabiso nga umuna kadagiti consumers sakbay nga agipangato ti singir ti kuryente.
Daytoy ket kalpasan a dimmatag iti Sangguniang Panlalawigan da INEC General Manager Engr. Felino Herbert Agdigos ken ti Presidente ti INEC Board of Directors Atty. Enrico Ruiz pakairamanan dagiti kameng ti Board of Directors ti INEC ita nga aldaw.
Segun ken ni Bise Gob. Marcos, kasapulanen a mangited ti pakaammo ti INEC tunggal agipangatoda ti singir ti kuryente tapno saan met a mapakigtutan ken maalay-ayan ti panagsagrap ken panagrigat ti umuli.
Inlawlawagna a mannarimaan pay laeng ti panagrekobre ti probinsya gapu ii iti COVID-19 pandemic rason a nga adda ti aramiden nga addang ti INEC tapno masolbar ti nangato a singir ti kuryente.
Kunana a na maysa a wagas iti daytoy ket ti panangiparuk-at ti kooperatiba iti Public Advisory sumagmamano nga aldaw wenno lawas sakbay nga agbaliw ti maiyimplimentar a singir ti kuryente kas ti pakaammo iti panaggaraw ti presyo ti gasolina wenno magatgatang.
Innayon ti Bise Gobernador nga iti laksid a saan nga iggem ti Gobierno Probinsial ti Ilocos Norte ti operasion ti INEC ket adda latta ti karbenganda a mangmandar kadakuada nangruna nu dagiti umili ti marigatan.
Mainaig iti daytoy, segun ken ni INEC General Manager Agdigos nga adalenda a naimbag daytoy a banag tapno makapanunutda ti wagas a mabalin a solusion iti arungaing ti kaaduan.
Nupay kasta, inlawlawagna nga adda met ti dua a bulan a pawayway dagiti consumers a saan pay a nakabayad ti kuryente sakbayda a putolen ti linya dagiti member consumers.
Kabayatanna, agpapada nga arig a saan a naallukoy dagiti agpanpanday linteg ti nagbalin a rakurak ti General Manager ti INEC seknan iti it-ited ti kooperatiba a pawayway kadagiti member consumers.
