LAOAG CITY – Emosyunal ni Mr. Louise Sison, residente iti Barangay Colombia iti ili ti Vintar a nangistorya no ti napasamak kenkuana bayat ti pannakaiyuswat ti Ride for a cause.
Segun kenni Sison, idi nakadanon da iti paset ti Burgos ket nadesgrasya isuna rason a saan na a nailippas ti aktibidad.
Inbatad na nga idi natulid ken nagpaigid iti kalsada ket maipagarop adda dagiti nangibaga kenkuana a maireport daytoy tapno matulungan.
Nupay kasta, kunana nga awan met ti napan nangtulong kenkuana rason nga uray nasakit ti saka na ket inpilit na ti nagawid.
Mainaig iti daytoy, nasakit ti nakem ni Sison gapo ta naamoan na a saan na a maala ti certificate na kas partisipantes gapo ta saan na a nailippas daytoy.
Inpetteng na a konsiderasyon kuma gapo ta nadesgrasya met nga isu ti rason ti saan na a pannakailippas ti naiyuswat a Ride for A Cause.
Naamoan a gapo ta limteg ti saka na ket saan pay laeng a makapagtrabaho.
Kabayatanna, kalikagom ni Sison a maited ti certificate na kas maysa kadagiti nakipartisipar ken no adda ti naayat a tumulong ket pagyamanan na.
