LAOAG CITY – Inlawlawag ni Senior Fire Officer III Reynante Bismonte iti BFP-San Nicolas no apay a temporaryo a naka-lockdown ti opisina da.
Segun kenni Besmonte, nagpositibo iti covid-19 antigen test ni Fire Senior Inspector Claire Simbol, ti hepe ti BFP-San Nicolas isut gapo na a dumalan dagiti personnel ti antigen test.
Inbatad na a siyam da nga adda iti uneg ti istasyon ti BFP ken iti agdama ket saan da pay nga agawat kadagiti residente nga adda ti transaksyon na.
Naamoan a ni Simbol ket mapan laeng kuma agpa-check up ken ditoy a naduktalan a positibo iti virus.
Kunana a no adda met ti mapasamak nga uram ket mabalin da latta nga agresponde.
Iti agdama, saan pay a masigurado no kasano ti kapaot ti pannaka-lockdown da.
