LAOAG CITY – Inbatad ni Atty. Juanito Antonio, legal counsel ni dati a Mayor Marynette Gamboa iti ili ti Dingras a nangipila da ti Petition for Review iti Court of Appeals.
Daytoy ket seknan pay laeng iti panang-deny ti Office of the President ti apela ti kampo ti Gamboa.
Segun kenni Antonio, nangipila da pay ti motion to quash tapno mapaawan ti bileg ti warrant of arrest a naiparuk-at ken immapela da pay ti Temporary Restraining Order (TRO).
Inlawlawag na a gagem da a mailawlawag a saan a nainkalintegan pay laeng ti kalikagom a pannakatiliw ni Gamboa nangruna ket awan pay ti pinal a desisyon no adda ti probable cause ti kaso wenno mangitudo a ti dati a mayor ti mastermind.
Kunana nga urayen da no anya ti desisyon ti Court of Appeals ken isu ti maipatungpal.
Mainaig iti daytoy, kinumpirmaran ni Antonio nga adda ni Gamboa iti sabali a pagilyan gapo iti nagduduma a kumikom na.
Mainaig iti daytoy, kunana a ti balakad da kenni Gamboa ket saan pay laeng nga agsubli ditoy pagilyan bayat ti panangtaming da iti kaso na.
Inpalgak na a daytoy nga addang da ket saan na a kayat a sawen nga itarayan ti dati a mayor ti kaso na no diket tapno maliklikan ti ad-adda pay a pannakarikot ti sitwasyon.
Dinakamat na a naibaga ni Gamboa a kalikagom na a sangwen ti kaso ken mailawlawag iti amin ti kabibiangan na seknan iti daytoy, ngem maibalod met gapo ta awan ti pyansa ti sangsangwen na a kaso a murder.
