LAOAG CITY – Maiyuswat manen ti blood letting activity iti Barangay Barani iti ciudad ti Batac intono Agosto 29 ita a tawen.
Inbatad ni Barangay Chairman Jojie Calapao iti nasao a Barangay nga iti kada blood letting nga iyus-uswat da ket target da ti makaukkon ti 50 a bags a dara.
Inpakaammo na a dagiti umuna a 50 a donors ket maikkan ti 5 kilo a bagas nga inpaay ti maysa a charity.
Innayon na a saan laeng a dagiti kabarangayan na ti mabenepisyaran iti iyus-uswat da a blood letting activity no di ket uray kadagiti dadduma a lugar nga agkasapulan ti dara.
Mangnamnama ni Calapao nga ad-ado manen dagiti mapan agdonar ti dara na intono Agosto 29, aldaw ti Lunes kagiddan ti pannakaselebrar ti “National Heroes Day”.
