LAOAG CITY – Inpakammo ni Sang. Panlungsod Member Jason Perera ditoy ciudad ti Laoag dagiti inpasa ti konseho dagiti addang da seknan iti pannakaiyuswat ti sesyon.
Segun kenni Perera, no malockdwon ti konseho ket iyuswat da ti sesyon iti City Auditorium, no met adda ti kalamidad kas iti bagyo ken maideklara nga awan ti trabaho ket maipakammo pay laeng iti amin a miembro no kaano manen ti regular session.
Inlawlawag na a no met holiday ti Martes nga aldaw ti sesyon ket otomatiko a maiyuswat daytoy iti sumaruno nga aldaw wenno iti Martes.
Inbatad na a no madi met ti Auditorium a pakaiyuswatan ti sesyon ket maipalubos ti online ngem masapol nga adda amin dagiti miembro ditoy ciudad ti Laoag.
Kabayatanna, kuna ni Perera a gagangay laeng nga adda dagiti banbanag a pagdidiniskutiran ngem masapol a maurnos gapo ta ti saan a panagkikinnaawatan ket makalapped laeng iti panagprogreso.
