LAOAG CITY – Inlawlawag ni Ms. Lynne no kasano ti pannaka-scam na no sadinno ket immabot iti 380 a ribo a pisos ti naited na iti scammer.
Segun kenni Lynne, agnagan ti Faith Jan Bermudez ti ummuna a nangrecruit kenkuana a mapan agtrabaho idiay Finaland ken immanamong isuna rason a nangted a ti nasurok 81 a ribo a pisos.
Inbatad na nga iti naamoan na a nagsublin idiay Finland ni Bermudez ket ti agnagan ti Sheryl Diwa ti simmaruno a nakisarsarita kenkuana ken nangrecruit nga agbalin a machine operator iti nasao met laeng a pagilyan agingga a nakaipatulod ti nakurang a rinibribo pay a pisos.
Kunana nga immanamong isuna iti nasao a diaya gapo iti dakkel a sweldo ken isu ti dati a trabaho na.
Naamoan a naam-ammo na dagitoy iti facebook ken ti pangipatpatulodan na ti kwarta ket ti nagan a Kendrick Cabintoy babaen iti gcash ken iti bangko.
Mainaig iti daytoy, naamoan na laengen nga scammer dagiti nangkasarita kenkuana kalpasan nga adda ti nangipatulod kenkuana ti mensahe a rumrumuar ket maysa met laeng kadagiti nagbalin a biktima.
Kalpasan daytoy, naduktalan na a nag-deactivate ti facebook account ni Bermudez idinto a ni Diwa ket kasarsarita na pay laeng ken nagkari nga isubli na ti kwarta ngem agpapan ita ket saan pay a natungpal.
Kalikagom ni Lynne a misubli ti nasao a kwarta gapo ta inurnong na daytoy ken dagiti dadduma ket inutang na.
Kabayatanna, indanon metten ni Lynne ti napasamak kenkuana iti national Bureau of Investigation (NBI).
