LAOAG CITY – Kinumpirmaran ni Engr. Ma. Teresa Bacnat, ti OIC ti Provincial Agriculture Office a lima a porsiento iti pagtatalonan ditoy Ilocos Norte ti saan a namulaan ti pagay iti napalabas a cropping.
Segun kenni Bacnat, kadagupan daytoy ti 2400 nga ektarya manipud iti 51 a ribo nga ektarya a mamulmulaan ti pagay.
Inbatad na a maysa kadagiti rason ket ti kinakurang ti tudo a kangrunaan a masapol iti panagmula ti pagay.
Inlawlawag na pay a no agusar met dagiti agtaltalon ti water pump ket ti met kangina ti krudo a masapol kadagiti makina ti problema.
Kunana a gapo iti daytoy ket maapektaran ti rice suffiency level ti probinsya.
Mainaig iti daytoy, inbatad na a dagiti saan a nakamula ti pagay ket adda met ti interbensyon wenno agmula dagitoy ti high value crops, wenno iti nateng ken mais.
Naamoa n a dagiti kangrunaan a saan a nakamula iti pagay ket ti ciudad ti Batac, Paoay ken dadduma pay.
