LAOAG CITY – Maragsakan ni Atty. Charito Malicad, ti Information Officer iti lokal a gobierno ti Laoag iti dakkel nga accomplishment mainaig iti vaccination ti ciudad.
Daytoy ket kalpasan a maikalima ti Laoag City iti kaalistoan ken kaadoan ti bilang dagiti residente a nabakunaan ti booster shot kontra iti covid-19 iti Region 1.
Segun kenni Malicad, maibilang a napintas nga accomplishment daytoy iti Pinas Lakas Vaccination Program nga ipatpatungpal ti administrasyon ni Pres. Bongbong Marcos.
Inbatad na a kabayatan ti implementasyon ti Pinas Lakas Vaccination Program ket nabakunaan ditoy ciudad ti Laoag ti 11, 649 wenno 13.89 percent.
Kadagupan met a bilang dagiti nakaawat ti ummuna a booster sipud inrugi ti ciudad ti nagbakuna iti daytoy ket 31,530 nga indibidual wenno 37.57 percent iti eligible population. Mainaig iti daytoy, kunana a ti inramid ti ciudad ti Laoag tapno magun-od daytoy ket ginutigot na dagiti residente babaen iti tulong dagiti opisyal ti Barangay.
