LAOAG CITY – Patien ni Atty. Domingo Cayosa, dati a National President ti Integrated Bar of the Philippines a nalidem a patgan ti Kore Suprema ti petisyon nga inpila ni Election lawyer Romulo Macalintal a mangkonkontra iti pannakaitantan ti Barangay ken Sang. Kabataan Election.
Daytoy ket gapo ta adda ti poder ti Kongreso a mangipasa ti linteg a mangitantan iti eleksyon ken mabalin da a sukatan ti linaon iti election code kadagiti barangay officials.
Segun kenni Cayosa, ti election code para iti lokal a gobierno ket ordinaryo laeng a linteg ken ti Kongreso ket addaan ti plenary powers na nga agaramid ti linteg a mangitantan ti eleksyon nangruna no adda ti makaanay a rason.
Nupay kasta, agdepende daytoy iti Korte Suprema no adda ti makita na a merito ti petisyo ni Atty. Macalintal.
Segun kenni Cayosa, pabor a saan kuma a kanayon a maitantan ti barangay elections ken saan a pagbalinen a ti kangrunaan a rason ket ti mainot a pondo gapo ta datin nga adda ti budget iti daytoy.
Inpetteng na a no kayat ti kaadoan a saan a kanayon a maitantan ti eleksyon ket mabalin nga ikabil iti Konstitusyon.
