LAOAG CITY – Inpakaammo ni Atty. Jayford Rosqueta, provincial legal officer ti National Commission on Indigenous People a ipangpangruna da nga ipaayan ti edukasyon kadagiti Indigenous People ditoy probinsia.
Inbatad ni Rosqueta nga adda iti educational assistance nga ipapaay iti opisina da kadagiti Indigenous People a college students mo sadinno a makaawat dagitoy iti sag-10 ribo a pisos iti kada semester.
Segun ken ni Rosqueta, adda ti 27 nga estudyante nga Indigenous People iti benepisyaryo da.
Innayon na nga adda pay ti Indigenous People nga scholarship ti Local Government Unit (LGU).
Mainaig iti daytoy, kuna ni Rosqueta a saan nga agballigi dagiti programa a para kadagiti estudyante nga Indigenous People no awan ti koordinasyon ken panagtinnulong ti National Commission on Indigenous People ken dagiti Local Government Units (LGUs)..
Gapu iti daytoy, saanen a paudi iti educational status dagiti estudyante nga Indigenous People kadagiti dadduma nga agad-adal iti pagilyan ken adon iti nagbalin a professional a kas ti doctor ken abogado. Kabayatanna, inpasingked ni Mirriam Tuldog, provincial Indigenous People Youth Chairperson nga agtultuloy dagiti ipapaay da a tulong kadagiti Indigenous People nga estudyante.
