LAOAG CITY – Inadmitir ni Mr. Inocencio Domingo, maysa a tricycle driver ditoy ciudad ti Laoag nga adda ti madi nga insawang na ngem saan a pulos a nagsao ti dakes kadagiti estudyante nga inlugan na.
Ummuna iti daytoy, inlugan ni Domingo ti grupo ni Mr. Michael Agustin iti sangwanan ti Northwestern University ngem idi adda da iti sangwanan ti barangay hall ti Barangay Buttong ket maipagarop a kellaat a timmapwak ti adda iti likudan na.
Segun kenni Domingo, saan man laeng nga inbaga ti estudyante a bumaba ken adda ti dagasen na.
Inpetteng na a gapo iti daytoy ket nakaunget ken adda ti nadakamat na a “duldog”.
Inlawlawag na a ti laeng punto na ket inbaga kuma ti maseknan nga estudyante a bumaba tapno insardeng na ti tricycle na.
Kabayatanna, ummunan nga inbatad ni Agustin a sakbay a naglugan iti tricycle ni Domingo ket inpakpakauna nan nga adda ti dagasen na iti pagtaengan da iti nasao a barangay.
