LAOAG CITY – Manamnama a mapilaan ti kaso a theft ti maysa a babai a naduktalan a nagtakaw ti sumagmamano a produkto iti Puregold ditoy ciudad ti Laoag.
Daytoy ket kalpasan a saanna a naited ti kantidad nga intuyang ti nasao nga establisimiento a pagbayad na kadagiti tinakaw na a produkto.
Iti imbestigasyon, umabot amin ti P1, 126.00 ti balor dagiti innala ti saanen a nabigbig a suspek nga agnanaed iti Barangay 6 ditoy ciudad ti Laoag.
Nupay kasta, iti panagsasarita ti agsinnumbangir a partido ket kiniddaw ti asawa ti suspek a bayadan lattan ti babai dagiti innala na kasukat ti saan a panangikaso ti establisimiento.
Immanamong ti establisimiento laketdi manipod iti balor dagiti tinakaw ti suspek ket ag-times (X) 10 nga isu ti bayadan da.
Napaay ti suspek a nangbayad isut gapuna a possible nga ipursige ti nagtakawan na nga establisimiento a pilaan ti kaso.
Nagtalinaed ti suspek iti kustodyar ti Philippine National Police ditoy ciudad ti Laoag.
Maipalagip a karaman kadagiti tinakaw ti suspek ket ti sumagmamano a tsokolate, shampoo ken sabon.
