LAOAG CITY – Inbatad ni Mrs. Juliana Ubaldo iti Barangay 16 iti ili ti Sarrat a namitlo dan a nagsubli-subli iti opisina ti Ilocos Norte Electric Cooperative (INEC) tapno ipakaammo ken matarimaan ti naperdi a kuntador da.
Segun kenni Ubald, idi Miyerkules ket naamoan da manipud iti electrician a ti kuntador ti perdi gapo ta awan ti kuryente na a sumrek para kadagiti silaw ken appliances da.
Kalpasan daytoy, kunana nga intawag da iti INEC ken naibaga a mapan dagiti empleado ti kooperatiba ngem saaan da met a nauray dagitoy, rason nga inulit da ken napan da iti opisina da.
Nupay kasta, agpapan maisursurat ti damag ket awan pay ti napan nga empleado ti INEC iti pagtaengan da tapno kuma matarimaan ti kuntador.
Inlawlawagna a basar iti palawag ti kooperatiba, urayen laeng ti pamilya Ubaldo ti panagturong dagiti empleado iti balay da gapo ta dagiti trabahador ket ado met ti pakakumikoman dagitoy.
Kabayatanna, inpasigurado met ni Mr. Noel Andres, pannakangiwat ti INEC a matarimaan ti nasao a kuntador.
