LAOAG CITY – Inbatad ni Retired General Nestor Pedro, mangidadaulo ti Civil Security Unit ditoy ciudad ti Laoag a saan da pay a nabirukan ti menor de edad a naglibas iti Bahay Pagasa iti Barangay 48-A ditoy ciudad.
Segun kenni Pedro, idi kalman ket nagsursur da kadagiti nagduduma nga ili paritkular iti ili ti Banna tapno agbirok iti menor de edda ngem napaay dagitoy.
Nupay kasta, kunana nga itultuloy da ti mangbirok iti nasao a menor de edad ken naikoordenar da metten iti Philippine National Police.
Kunana pay a binilin na dagiti kameng ti CSU nga igetan da pay ti panagbantay iti nasao a pasilidad.
