LAOAG CITY – Inbatad ni Vice Mayor Rey Carlos Fariñas ditoy ciudad ti Laoag nga agpapan ita ket saan pay a napan nagparparang kadakuada ni Police Lt. Col. Joemar Labiano, ti chief of police ditoy ciudad.
Inpetteng na a masdaaw gapu ta uray dagiti napapateg a taripnong da a nasken koma nga atendaran ti nasao a chief of police ket saan a napan nagparparang ni Labiano.
Kuna na nga uray dagiti maiyus-uswat a flag raising ceremony iti kada aldaw ti Lunes ket saan a mapan agat-atendar ni Labiano.
Kalikagom ti bise mayor a maamoan no ania ti rason ni Labiano no apay nga agpapan ita ket saan pay a napan nagparang kadakuada, imbes ket mangipatulod lattan ti mangibagi kenkuana.
Innayon na a no saan paylaeng a mapan agpakita ti chief of police iti sumaruno a sesyon da ket damagen danto ken ni Mayor Michael Marcos-Keon no ania ti sumaruno nga addang na.
