LAOAG CITY – Agtultuloy timaiyus-uswat a naun-uneg nga imbestigasyon seknan iti maipagarop nga hit and run iti Barangay 1 San Francisco iti ili ti San Nicolas.
Basar iti PNP-San Nicolas, saan da pay a masinunuo no siasinno ti suspek ngem kitaen da no adda dagiti nakaimuntar a CCTV camera iti nakapasamakan ti insidente.
Inpakammo ti PNP nga ammo da metten ti body number ti tricycle a nakasapgod iti menor de edad a biktima ken ipaberipikar da iti Traffic Division iti nasao nga ili.
Iti agdama, ur-urayen ti PNP dagiti agama para iti naan-anay nga impormasyo seknan iti nasao a pasamak ken no anya ti desisyon da.
Maipalagip a nagturong ti biktima ken ti ama na a ni Edicio Mamaclay Jr y Espiera a residente iti Barangay 9 iti nasao met laeng nga ili tapno ireport ti napasamak.
Segun kadagiti agama, adda ti menor de edad iti likod a mismo ti ama na a driver iti tricycle ken idi bimmaba tapno mapan iti uneg lugan na ket nasapgod a nangitunda ti panagsagaba na ti lemma iti akin-kannawagan a saka na.
