LAOAG CITY – Magagaran dagiti Pilipino idiay Belgium iti panagturong ni Pres. Ferdinand Bongbong Marcos Jr. para iti ASEAN-EU Summit iti nasao a pagilyan iti sumaruno a lawas.
Segun kenni Bombo International News Correspondent Anna Beth Santilla iti Belgium, padpadaanan dan ti papan ti presidente ken ti pannakitaripnong na iti Filipino Community.
Namnamaen met ni Santilla a mapagsaritaan ti presidente ken dagiti kataripnong na ti ASEAN Free Trade Agreement ken positibo a resulta seknan iti Foreign Policy Issue and Bilateral Relations.
Inbatad na a naiget ti pangsagsaganan ti Embahada ti Pilipinas idiay Belgium ken uray ti Filipino Community gapo ta makita dan iti personal ti presidente intono Disyembre 12.
Kunana pay nga adda dagiti Pilipino manipud iti Germany, Netherlands, France ken dadduma pay nga agturong idiay Belgium para iti Meet and Greet iti presidente.
Maysa kadagiti kalikagom na nga ipadanon iti presidente ket ti panagtultuloy a napintas a relasyon dagiti dua a pagilyan kangrunaan na kadagiti Pilipino.
