LAOAG CITY – Inpakaammo ni SFO1 Guillermo nga adda ti naawatda a tawag manipod iti maysa a concern citizen a nagpatulon a mangsebseb ti nauram nga Electric Scooter.
Gapu iti daytoy, kunana a napan da dagus nagresponde iti Brgy. 1, San Francisco iti ili ti San Nicolas kangrunaan na iti paset ti IT Park a sakupen iti Drift Motor Establishment ngem idi nakadanon da ket nasebsebanen ti maur-uram nga Electric Scooter.
Inbatadna a daytoy ket babaen iti maysa a Security Guard ti Valdez Center a nagusar ti fortable fire extinguisher rason a saanen a dimmakkel ti apoy daytoy.
Inlawlawagna a dagus nga inruar ti maseknan a Security Guard ti maur-uram nga Electric Scooter tapno saanen a mairamraman dagiti dadduma pay nga ilaklako ti establishmento.
Inbagana a ti rason no apay nauram ti Electric Scooter ket gapu iti bimmara a baterya daytoy agingga a pimmutok Innayonna nga agbalor ti nadadael a baterya ti 20 a ribu a pisos idinto a ti Electric Scooter ket agbalor ti 65 a ribu a pisos.
