LAOAG CITY – Balligi a naarestar ti maysa a babai gapu iti kasona nga estafa idiay 38B Purok 5 Upper Brook Side, Baguio City, Benguet.
Ti akusado ket tubo idiay Brgy. Saoat, Santa Cruz, Ilocos Sur.
Natiliw ti akusado babaen iti bileg ti Warrant of Arrest nga inparuk-at ni Hon. Francisco Quilala, Judge, Regional Trial Court, First Judicial Region, Branch 14 Laoag City, Ilocos Norte a napetsaan idi December 19, 2006.
Naarestar ti suspek babaen iti nagtitipon a pwersa ti 2nd INPMFC nga idadauloan ni PLtCol. Jayson Batuyong, Force Commander with PSET INPPO, Laoag CPS, Nueva Era MPS, Batac CPS ken PIU INPPO.
Nairekomendar ti 100 a ribu a pisos a piyansa para iti temporario a pannakawaya-wayana ti suspek.
Kabayatanna, naammoan a maibilang ti nasao a suspek kas Top 2 Most Wanted Person City Level.
