LAOAG CITY – Inpakaammo ni PSSgt. Alexson Rosal, Duty Investigator ti Philippine National Police Laoag Traffic Division a ngimmato ti bilang ti datos dagiti napaspasamak a desgrasia iti tawen 2022.
Segun kenni Rosal, maibasar iti rekord ti opisinada ket umabot iti 369 dagiti naimaldit a nadesgrasia iti tawen 2022.
Inbatadna a kadagupan iti nasao a bilang ket 15 ditoy ket naipadanon iti Office of the Investigation Section ti Crame para iti pannakaisayangkat ti naan-anay nga imbestigasion.
Kunana nga adda ti naimaldit a 12 dagiti natay iti tawen 2022 gapu iti Road Crash Incident no sadino kaadduan kadagitoy ket Self Vehicular Incident.
Mainaig iti daytoy, inlawlawag ni PSSgt. Rosal a nangatngato nga amang ti bilang dagiti nadesgrasia iti tawen 2022 no idasig iti tawen 2021 gapu ta umabot laeng iti 232 ti naimaldit idi 2021.
Inbagana a no iti tawen 2022 ket adda 12 ti natay gapu iti desgrasia, iti tawen 2021 ket 11 banag a nababbaba daytoy basar iti datos.
Innayonna a mamati daytoy nga immadu ti napasamak a desgrasia iti tawen 2022 gapu ta mas naluklukayen dagiti maipatpatungpal a pagannurutan no idasig idi tawen 2021 ket nairot a makaruar pay laeng dagiti umili gapu iti COVID-19.
Kabayatanna, rumrummuar iti imbestigasion ti PNP Laoag Traffic Division a kaadduan kadagiti nadesgrasia ket gapu iti kaadda ti impluwensiya ti nasanger dagiti nangiturong ti motorsiklo wenno lugan.
