LAOAG CITY – Nagun-od ti lokal a gobierno iti ili ti Vintar ti pammadayaw kas “Best Covid-19 vaccine Implementation” iti intero a rehiyon uno.
Daytoy ti inpanakkel ni Mayor Richard Degala iti ili ti Vintar.
Segun iti mayor, nagun-od da ti pammadayaw gapu ta nabakunaan aminen a kwalipikado a residente kontra iti covid-19 iti nasao nga ili.
Naamoan a dagiti kameng ti Rural Health Unit (RHU) iti panangidaulo ni Doctora Heidy Albano ken ti mangidaulo iti Municipal Disaster Risk Reduction and Management Office (MDRRMO) a ni Almond Leaño ti kangrunaan a nagtinnulong para iti pannakabakuna dagiti maseknan a residente babaen ti panagsursur da kadagiti balbalay.
Mangnamnama ni Mayor Degala nga agtultuloy ti napintas a serbisyo da kangrunaan na iti benneg ti salun-at para kadagiti kailian da.
