LAOAG CITY – Kinumpirmaran ni Ms. Sheryl Abela, aglaklako ti itlog iti Laoag City Public Market and Commercial Complex a dakkel ti nagngatoan ti presyo ti itlog.
Segun kenni Abela, iti napalabas a tawen 2022, umabot iti 5-7 a pisos iti kada pidaso ngem ita ket saan dan nga aglako iti kada pidaso no diket tallo nga agbalor ti 28 a pisos wenno kada tray.
Inbatad na a ti small size iti itlog ket umabot iti 350 a pisos iti kada tray manipud iti 180 a pisos.
Kunana a maysa kadagiti rason no apay a ngimmato ti presyo ti tilog ket ti kangina ti feeds.
Mainaig iti daytoy, inbatad na nga uray nangina ti presyo ti itlog ket ado latta dagiti aggatang, ngem kageddan iti daytoy ket agkurkurang met ti suplay da.
