LAOAG CITY – Indauloan met ni Police Brigadier General John C. Chua, regional director ti Police Regional Office 1 ti panagpirma ti courtesy resignation iti Northern Luzon tapno mapaneknekan ti saan a pannakainaig iti aktibidad iti iligal a druga.
Iti statement ni Chua, sangsangkamaysa ti Police Regional Office 1 ti suporta na iti panawagan ni Department of the Interior and Local Government (DILG) Sec. Benjamin “Benhur” Abalos Jr, a madalusan ti Philippine National Police organization manipud iti iligal a druga.
Kuna na nga agserbi daytoy nga oportunidad tapno mapapigsa ken umiget ti organisasyon nga addaan ti disiplina, integridad, ken kina-propesyonal.
Kas maysa a agency nga agserbi a mangipatungpal ti kampanya kontra iti iligal a druga, namnamaen ni Chua nga agtalinaed ti highest standards of professionalism ken community service.
Kas lider iti Police Regional Office 1, sidadaan ni Chua a sumurot kadagiti values ken prinsipyo ti organisasyon, ken idadauloan na ti Police Regional Office 1 iti buluntaryo a panangisumitir ti bagbagi da tapno dumalan iti umiso nga assessment ken evaluation process nga iyuswat ti nadesignaran a komite.
Innayon ni Chua a dakkel ti panagtalek na iti kapanunutan dagiti liger ken babaen ti pannakipagpaset na iti prosesso, ket mamati a maiturong iti pagsayaatan ti Philippine National Police organization ken iti pagilian.
