LAOAG CITY – Pimmusayen ni Cardinal George Pell, iti tawen na a 81, maysa kadagiti napagsasaritaan gapo iti conviction na iti child abuse a nakakigtotan ti Catholic Church.
Manamnama met a maitabon ti bangkay ni Pell iti St Mary’s Cathedral idiay Sydney.
Ti dati a Vatican treasurer ket isu ti Australia’s highest ranking Catholic cleric, ken most senior church figure a nabalod gapo iti nasao a kaso.
Nagserbi isuna kas Archbishop of Melbourne ken Archbishop of Sydney sakbay a nagbalin kas Pope’s top aides.
Idi met 2014 ket nabilin ti panangidaulo ken panangmanehir na iti Vatican’s finances.
Bimmaba iti pwesto ni Cardinal Pell idi 2017, ken nagsubli idiay Australia tapno sangwen ti trial iti child sex abuse charges.
Naduktalan ti jury idi 2018 nga inabuso na ti dua a lallaki iti Archbishop of Melbourne iti 1990s.
Naamoan a ni Cardinal Pell ket nagtalinaed iti 13 a bulan iti pagbalodan sakbay a winaswas ti High Court of Australia ti verdict idi 2020.
Nagsubli isuna idiay Rome apaman a nawaya-wayaan ken inatendaran na pay laeng ti pannakaitabon ti Pope Emeritus Benedict XVI iti napalabas a lawas.
