LAOAG CITY – Positibo ti resulta ti drug test examination dagiti dua a subject ti drug buy-bust operation iti Barangay Poblacion 4 iti ili ti Pasuquin nga isuda Prodencio Tacata, agtawen ti 52 kenni Nomer Faylano, agtawen ti 49 ken agpada dagitoy nga agnanaed iti nasao a barangay.
Daytoy ti kinumpirmaran ni Agent Harry Cariño, team leader ti Philippine Drug Enforcement Agency ditoy probinsya.
Segun kenni Cariño, positibo pay nga iligal a droga dagiti nakumpiskar kadagitoy.
Inlawlawag na nga inadmitir dagiti dua nga idi natiliw da ket kalkalpas da laeng a nag-pot session wenno nagusar iti iligal a droga.
Maipalagip a nakumpiskar dagiti otoridad ti dua nga improvised aluminum foil tooter, maysa nga improvised aluminum foil needle, innem a crampled aluminum foil, maysa nga improvised stick sealer, innem a sachet ti maatap a shabu pakairamanan ti maysa a sachet a nausar iti operasyon, maysa a pack ti plastic sachets, maysa a blue distorted lighter ken tallo a sabsabali pay a lighter.
