LAOAG CITY – Natiliw dagiti tallo nga indibidual gapu iti panagiserrek da kadagiti baboy nga awan ti dokumento na iti Barangay Madiladig ditoy ciudad ti Laoag.
Nabigbig dagitoy nga isuda Jhona Jaramilla, agtawen ti 30, naasawaan, taga Brgy. Camangaan, Sta. Cruz, Ilocos Sur; Carina Lazaro Gacoscos, agtawen ti 30, naasawaan, residente iti Brgy. Tacurong, Candon, Ilocos Sur ken ni Edward Clemente, agtawen ti 41, residente iti Brgy. Bantay, Ilocos Sur.
Mismo a da Engr. Shiela Opelac, ti City Agrilcuturist ken OIC City Veterinarian ditoy ciudad ti Laoag ken ni Miss Cydelle Antonio, ti OIC iti Slaughter House ditoy ciudad kadwa da dagiti kameng ti pulisya a nangtiliw kadagiti suspek.
Naamoan nga awan ti naipakita a dokumento dagiti maseknan iti panagibiyahe da kadagiti 10 a baboy rason a tiniliw ken inikkan da dagitoy ti citation ticket no sadinno nga agmulta ti tunggal maysa iti 5 ribo a pisos gapu iti panaglabsing da iti provincial ordinance a “Movement of Livehog without complete Travel Documents”.
