LAOAG CITY – Normal nga isu iti responsibilidad ken trabaho iti Philippine National Police.
Daytoy ti nagbalin a sungbat ni Pol. Lt Col. Joseph Baltazar ti chief of police ditoy ciudad ti Laoag iti nagbalin a panawagan ni Vice Mayor Rey Carlos Farinas a iti Philippine National Police kabayatan iti sesyon iti konseho a tutukan dagiti mapaspasamak a petty crimes ditoy ciudad.
Inpakaammo na a dagiti immunan nga insidente ti panagtakaw ditoy ciudad ket nasolbaren ti Philippine National Police.
Inbatad na a ti napasamak a panagsipdot iti kallabes iti Brgy 16. ditoy ciudad ket isu iti manarimaan nga im-imbestigaren ti nailian a pulisya.
Mainaig iti daytoy, inbatad ni Baltazar nga awan pay iti Person of Interest da ngem ar-aramiden da amin a kabaeln da tapno mabigbig ken matiliw ti suspek.
Kabayatanna, inpakaammo na nga adda dagiti naiwaras a kameng ti pulisya iti nagduduma a lugar ditoy ciudad tapno masigurado iti seguridad dagiti tattao kangrunaan na dagiti estudyante kangrunaan na ket manarimaan ti panag-piyesta ditoy ciudad.
