LAOAG CITY – Dead on the spot ti maysa a lalaki kalpasan ti panagdinnungpar ti motorsiklo ken kotse iti paset ti Brgy. Magnuag iti siudad ti Batac.
Daytoy ti kinumpirmaran ni PLt. Col. Adrian Gayuchan, hepe ti PNP-Batac.
Kuna ni Gayuchan a basar iti naiyuswat nga imbestigasyon, agsarsaruno ti kotse ken motorsiklo nga inturong ti agtawen ti 31 a lalaki a residente iti ili ti Currimao.
Inbatad na a bayat a daldalyasaten dagiti dua a behikulo ti nasao a kalsada ket ginandat ti driver ti motorsiklo nga ag-overtake ngem dita met a nagleft-turn ti kotse.
Gapu iti daytoy, timmama ti motorsiko iti sango ti kotse nu sadino a gapu iti kapigsa ti impact ket dagus a natay ti driver.
Kabayatanna, inpakaammo ni Gayuchan a saan a naan-ano ti driver ti kotse.
Apaman a maisursurat ti damag ket awan pay ti pinal a panagsasarita ti pamilya ti pimmusay ken ti driver ti kotse.
