LAOAG CITY – Naduktalan dagiti otoridad a maysan a bangkay ti nangiturong ti agmaris ti grey nga AUV a nakailuganan ti bangkay ti hazing victim a ni John Matthew Salilig sakbay a naikali.
Saanen a binigbig pay ti Biñan city police ti nasao a miembro ti fraternity kas panangrespeto iti pamilya daytoy.
Kuna ni Biñan City Police acting chief Police Lieutenant Colonel Virgilio Jopia a ni alyas ‘Sakmal’ ket alumni iti Adamson University ken isu ti nangituring ti lugan a nakaikargaan ti bangkay ni Salilig.
Inbatad na a saanda metten a naabotan a sibibiag daytoy kalpasan a nagpakamatay.
Kabayatanna, ti grey AUV ket nagtalinaed iti kustodyar dagiti otoridad karaman ti blue SUV nga immuna a nausar iti pannakaibyahe ken ni Salilig kalpasan ti initiation rights idiay Laguna.
Mainaig iti daytoy, ti agtawen ti 23 a suspek a ni Daniel Perry nga isu ti maipagarup a nangikali ken ni Salilig ken master initiator iti initiation rights ket manamnama nga agatendar iti inquest proceedings ita nga aldaw.
Pito manipod kadagiti 15 a suspek iti pannakatay ni Salilig ket agpapada a nagtalinaed iti kustodyar ti kapulisan ken sumango dagitoy iti preliminary investigation iti Department of Justice intuno Marso 10.
