LAOAG CITY – Naglikudan ni Barangay Chairman Ronald Peralta iti Barangay Puyupuyan iti ili ti Pasuquin nga adda ti pabpaboran na iti naipadanon kenkuana a reklamo seknan iti daga.
Segun kenni Peralta, awan pay ti panagsango ti complainant ken respondent iti nasao nga isyu rason a saan na nga ammo no apay a kastoy ti maibatbato kenkuana nga adda ti pabpaboran a.
Ummuna iti daytoy, inbatad ti agrekreklamo a nabayag dan nga inkamang iti kapitan ti nasao nga isyu ngem maobserbaran da nabayag ti garaw ti barangay tapno makapagsasarita da
Malaksid iti daytoy, inbatad ti agrekreklamo nga imbes a ti mismo mairekreklamo ti direkta a kasarita ti kapitan ket maipagarop a ti met ina ti maseknan nga adda iti sabali a pagilyan ken idi adda ti surat para iti panagsasarita ket saan nga husto ti nagnagan a nailanad iti daytoy.
Kuna met ti kapitan nga idi damo a naipadanon kenkuana daytoy nga isyu ket inpakammo na met iti Barangay secretary ngem ado met dagiti kumikom ti maseknan.
Mainaig iti daytoy, patien ti kapitan a saan met a nabayag ti panangtratar da ngem nagpadespensar iti agrekreklamo ti pammati na ket nabayag ti garaw da.
Naamoan a dagiti karaman iti daytoy nga isyu ket saan nga agpapada a residente iti barangay da.
