LAOAG CITY – Balligi ti inyuswat dagiti kameng ti Philippine National Police iti ili ti San Nicolas nga anti-illegal gambling operation iti Barangay 23, Sta. Cecilia iti nasao nga ili a nakatiliwan ti tallo a babbai.
Nabigbig dagitiy natiliw nga isuna Mely Rocero, agtawen ti 45, awanan ti awawan, utility; Hannah Angelu Picoc, agtawen ti 22; ken Aizel Casabay, agatawen ti 35 ken agapada dagitoy a residente iti Barangay Sta. Cecilia iti nadakamat nga ili.
Ummuna iti daytoy, adda ti naawat ti pulisya a report seknan iti panagsusuval iti nasao a barangay rason a dagus da a nagresponde ken naaktoan da dagiti maseknan nga agay-ayam ti Tong-its.
Nakumpiskar iti nasao a lugar ti maysa a set ti baraha, lamisaan, uppat a Monoblock chair ken ti pusta.
Kabayatanna, manamnama a mapilaan dagiti suspek iti kaso a panaglabsing iti PD 1602.
