LAOAG CITY – Immapela ni Sang. Panlungsod Member John Michael Fariñas ditoy ciudad ti Laoag iti Sang. Panlalawigan nga irekonsiderar da ti ordinansa seknan iti pannakaipaay ti benepisyo kadagiti establishiemento a mangempleao kadagiti Persons with Disabilties ken Senior Citizens.
Daytoy ket kalpasan nga insubli ti Sang. Panlalawigan iti konseho ditoy ciudad seknan iti nasao nga ordinansa gapo ta addan ti agdama a National Law mainaig iti pannakaipaay ti benipisyo kadagiti pasdek negosyo a mangempleo kadagiti Persons with Disabilties ken Senior Citizens.
Iti panag-privilege speech ni Fariñas, kunana nga iti laksid nga addan ti nabayag a linteg iti daytoy ket saan met a pulos a naipatungpal.
Segun kenni Fariñas, ti nasao nga ordinansa ket maysa a localized version ken pannakaipakat ti agdama a national law ken ti ordinansa ti mangipasigurado nga amin a principles, guidelines ken condition iti daytoy ket maipatungpal.
Inpalgak na nga iti panang-invalidate ti Sang. Panlalawigan daytoy gapo ta addan ti national law ket kwinestyunaran na no anya ti akem ti Panlungsod kas local legislative body.
Mainaig iti daytoy, innala na met ti opinion ni Mrs. Janet Duarte, ti Local Government Operations Officer no sadinno inbatad daytoy a pudno nga adda ti Natonal Law ngem maysa kadagiti gagem iti panangputar ti ordinansa ket tapno ma-localized ti general law.
Inpetteng na tapno ad-adda a nasaysayaat pay ti pannakaipatungpal ti national law ket mabalin a mangaramid dagiti local a gobierno ti localized version iti daytoy.
Kunana pay nga arig na amin met nga ordinansa ket nakabase met laeng iti National Law.
Kabayatanna, immapela ni Fariñas a no saan a maaprubaran daytoy ket mangkita ti sabali a wagas tapno maipatungpal ti linaon ti Section 8 iti Republic Act 7277 as amended ken Section 5 iti Republic Act 9994.
