LAOAG CITY – Kinumpirmaran ni Mayor Aldrin Garvida iti ili ti Nueva Era a manamnama ti pannakaestablisar ti Super Health Center.
Segun kenni Garvida, nalpasen ti bid ken maiyur-uray laengen ti pannaka-assess na sakbay a maiyaward daytoy.
Inlawlawag na a saanen a kasapulan nga idownload ti lokal a gobierno gapo ta ti Dept. of Health ti mangiyemplementar daytoy ken ti laeng akem ti lokal a gobierno ket ti panagmonitor.
Kunana a saan nga iti Barangay Uguis ti panakipatakderan daytoy no diket iti sentro iti nasao nga ili tapno as-asideg ti papanan dagiti residente para iti maipaay a serbisyo.
Inbatad na a napateg ti lokasyon para iti naipaapaay ti serbisyo iti salun-at dagiti tattao ken kitaen da dagiti ramit tapno awan ti madoble a magatang sakbay a mairugi ti proyekto.
