LAOAG CITY – Maysan a bangkay idi nabirukan ti ummunan a naireport a mapukpukaw iti Sitio Nagtupacan, Barangay Cabaroan iti ili ti Bacarra.
Nabigbig ti biktima a ni Eugenio Yanos Sr., agtawen ti 71, ken residente iti nadakamat a barangay.
Segun kenni Barangay Secretary May Rose Jovellano iti Barangay Cabaroan iti ili ti Bacarra, nakita ti bangkay ti biktima iti Barangay Natba iti nasao met laeng nga ili.
Inlawlawag na nga iti bigat ti Hulyo 26 ket pinakbakwit dgaiti rescuers dagiti residente ngem rumrumuar nga inbatad ti biktima nga ummuna lattan dagiti kameng ti pamilya na gapo ta iplastar na dagiti ramit da iti pagtaengan da.
Inbatad na a ninamnama dagiti kapamilya na nga adda metten iti evacuation center ti biktima ngem idi kalman ket nagbalaw dan gapo ta mapukpukawen daytoy.
Kunana nga itay bigat ket nakita ti bangkay ni Yanos idi Barangay Natba babaen kadagiti rescuers.
Mainaig iti daytoy, pito a pamilya manipud kadagiti 29 a pamilya iti Sitio Nagtupacan ti naibakwit ken dagiti dadduma ket nagtaros kadagiti kabagyan da. Iti met intero a Barangay, umabot iti 39 a balay ti partially damaged ken 13 totally damaged.
