LAOAG CITY – Umaboten iti 20 a tattao ti natay ken 19 ti mapukpukaw gapo iti napigsa a tudo a mapaspasaran ti Beijing, China ken dagiti kabangibang na a probinsya.
Ti Bagyo “Doksuri,” dati a naikategorya a super typhoon, ket dimmuprak iti China kalpasan a timmama met iti southern Fujian province ken iti Pilipinas.
Basar iti impromasyon, ti average rainfall iti intero a July ken nairekord iti 40 nga oras laeng gapo iti awan sarday na a panagtudo.
Naamoan a ti kangrunaan a napaektaran iti napigsa a tudo ket ti suburban Beijing iti nasao a pagilyan.
Adda pay dagiti residente ti nangibaga a sipud Hulyo 2012 a layos a nakatayan ti agarop 79 a tattao ket ita laeng a nakapasar ti napigsa a tudo a nangitunda ti nakaro a panaglayos.
