LAOAG CITY – Pinaigetan ti Philippine National Police ken Philippine Drug Enforcement Agency iti panagbisita da kadagiti maatap a drug personality wenno wenno ti Oplan Tokhang ditoy probinsya.
Daytoy ti inbatad ni Police Major Jephre Taccad, ti pannakangiwat iti Ilocos Norte Police Provincial Office.
Segun ken ni Taccad, umabot iti 17 ti inyuswat da a tokhang visitation manipud kadagiti nagduduma nga ili ditoy Ilocos Norte.
Inpasingked ni Taccad nga agtultuloy ti iyus-iyuswat da a tokhang visitation tapnu maallukoy a sumuko dagiti maatap a drug personality kangrunaan na ditoy siudad ti Laoag.
Innayon ni Taccad a naiget ti koordinasyon ti Philippine National Police ken Philippine Drug Enforcement Agency tapnu maideklarar kas drug free ditoy probinsya a daytoy ti kangrunaan a kalikagom ni Provincial Director Police Col. Julius Suriben.
