LAOAG CITY – Natay dagiti siyam a soldado idiay Pakistan gapo iti maysa a suicide bomber.
Segun kenni Pakistan Caretaker Prime Minister Anwaar-ul-Haq Kakar, indungpar ti suicide bomber ti motorbike na iti Pakistani Military convoy nga agdama nga adda iti Bannu district ti Pakistan.
Dagus a bimtak ti explosive device a tugot ti suicide bomber.
Malaksid kadagiti siyam a soldado a pimmusay, agarop lima agingga iti 20 a soldado ken sibilyan pay ti nasugatan.
Kabayatanna, inawagan met ni Prime Minister Kakar ti inaramid ti suicide bomber kas maysa a takrot nga addang.
Ti nasao a lugar ket maysa kadagiti paset ti Pakistan nga addaan ti nalawa a military activity gapo iti kaado ti bilang dagiti miymbro ti grupo a Tehreek-e-Taliban Pakistan (TTP), maysa a terorista a grupo a bukbuklen ti muslilm extremists.
