LAOAG CITY – Maipadalan ita nga aldaw iti inquest proceeding iti suspek ti pammagkong iti Barangay 1 ditoy ciudad ti Laoag.
Segun kenni Police Patrolman Carl Jeric Buenavista, imbestigador iti insidente, ti suspek ket ni Junil Donor alyas Uning, agtawen ti 26, awanan ti asawa, maysa a construction worker ken tubo iti Las Piñas City ngem agdama nga agananed ditoy ciudad.
Inbatad na a frustrated murder ti maipila a kaso kontra iti nasao a suspek.
Maipalagip a naginom ti suspek ken ti biktima a ni Darwin Valeriano iti maysa a disclolandia iti Barangay Uno ditoy ciudad idi adda ti saan da a nagkinnaawatan.
Gapo iti daytoy, pimmanaw ti biktima iti nasao a lugar ngem sinurot ti suspek agingga a binagko-bagkong na a nangitunda ti panagsagaba ni Valeriano ti uppat a sugat iti bagi na.
Iti agdama, ti biktima ket stable metten ti kasasaad na ken manarimaan ti panagpalaing na iti Gov. Roque Ablan Senior Memorial Hospital ditoy ciudad.
