LAOAG CITY – Kalikagom ni Barangay Captain Jesusa Lorenzo iti Barangay Darayday ditoy ciudad ti Laoag a matarimaan ti baypass road iti nasao a lugar.
Daytoy ket gapo ta no agtudo ket makarkaran daytoy ken agpababa ti darat daytoy.
Inbatad na a gapo iti agdama a sitwasyon ti bypass road ket agamak no amangan no adda ti madesgraya a motorista.
Inlawlawag a no matarimaan daytoy ket nataltalged laeng dagiti lugan nga aglabas iti nasao a paset ti kalsada.
Naamoan a ti nasao a proyekto ket nairugi iti napalabas a tawen.
Immapela met daytoy kadagiti opisyal ditoy ciudad ti Laoag ken iti Dept. of Public Works and Highways (DPWH) tapno matarimaan iti kabiitan a panawen.
