LAOAG CITY – Adda dagiti sumagmamano a negosyante a natiliw ken mapilaan ti reklamo ditoy ciudad ti Laoag babaen ti Bureau of Internal Revenue gapu ti panaglako da ti sigarilyo nga expired ti stamp na.
Segun ken ni Miss Erika Placido, Revenue Officer IV iti nasao nga ahensya, saanen a mabalin pay a mailako wenno maiwaras dagiti nasao a produkto kadagiti pagtagilakwan.
Ti nasao nga stamp ket internal revenue stamp nga isu ti paggapwan ti collection ti excise tax ken Value Added Tax ken dadduma pay a penalties.
Kabayatanna, inpasigurado ni Placido nga awan pay dagiti nakita da a peke a sigarilyo wennu dagiti nakopya laeng ti disenyo na a kaha ditoy ciudad ti Laoag no sadinno a makita daytoy babaen ti bar code.
