LAOAG CITY – Natiliw dagiti dua nga indibidual a residente iti Barangay 3 iti ili ti San Nicolas gapo iti panagparti da iti aso.
Segun kenni Police Major Eduardo Santos, ti chief of police ti Philippine National Police iti ili ti San Nicolas, adda ti dimmanon a report kadakuada seknan iti iti daytoy isut gapo na a dagus da a nagresponde ken naaktoan da a mismo ti panagparti dagitoy.
Inlawlawag na a nagparti dagitoy ti aso gapo ta maipagarip nga isu ti sidaen ken pulutan.
Mainaig iti daytoy, inadmitir dagiti natiliw nga adda idi ti sagpapminsan a panagparti da tapno pulutan.
Inbatad dagitoy a ti panagparit da idi rabii ket gapo ta adda ti nangpaparti kadakuada.
Kabayatanna, iti agdama ket adda iti kustudiyar ti Philippine National Police iti ili ti San Nicolas ken manarimaan ti pannakaisagana dagiti dokumento para iti pannakaipila ti kaso a panaglabsing iti Animal Welfare Act.
