LAOAG CITY – Agkurkurang ti suplay ti baboy ditoy ciudad ti Laoag.
Segun kenni Konsehal Bryan Alcid, naduktalan na bayat ti committee hearing a sangapulo laeng a baboy ti kada aldaw ti maisupsupply ditoy ciudad no sadinno kaadoan na ket aggapo iti sabali nga ili gapo ta sumurok kumurang 90 a baboy ti masapol ti kada aldaw.
Kunana a maysa daytoy kadagiti rason nu apay a nangina ti presyo ti karne ti baboy ditoy ciudad nga umabot iti 280 a pisos agingga iti 320 a pisos.
Daytoy met ti rason nu apay nga agriri dagiti Hog raisers gapo ta dakdakkel ti mapaspastrek dagiti aglaklako ti karne ti baboy no ikumpara kadakuada,
Basar iti konsehal, 140 agingga iti 145 a pisos ti presyo ti kada kilo ti live weight ken ti problema dagiti hog raisers ket malugi da nangruna ket nangina ti feeds.
Nupay kasta, kalikagom ni Alcid a mangngegan to met ti reaksyon dagiti meat vendors tapnuo maadal da a nasayaat nu ayaa ti agbalin nga addang da ken ipakaammo nanto iti provincial government gapo ta saan laeng a ditoy ciudad ti pakapaspasamakan daytoy no diket iti intero a probinsya.
