LAOAG CITY – Addan ti dua nga indibidual ti naarestar dagiti kameng ti pulisia ditoy probinsia a nagsalungasing iti Omnibus Election Code wenno ti Commission on Elections Gun Ban sipod idi Agosto 28 agingga Setiembre 15 ita a tawen.
Daytoy ti inbatad ni Police Major Jephre Taccad ti pannakangiwat ti Ilocos Norte Police Provincial Office.
Segun kenkuana, dua a paltog ti nakumpiskar ken 26 a pedaso a nagdumaduma a bala ti paltog ken maysa a bladed weapon wenno balisong.
Inlawlawag ni Taccad a dagiti naarestar ket manipod iti ili ti Dingras ken ditoy siudad ti Laoag.
Mainaig iti daytoy, nagpalagip manen ni Taccad a naiget ti ipatpatungpalda a Commission on Elections Checkpoint ditoy probinsia tapno mapagtalinaed ti linak, urnos ken talna babaen ti pammilin ni Police Colonel Julius Suriben ti Provincial Director ti Ilocos Norte Police Provincial Office.
