LAOAG CITY – Umaboten iti uppat nga indibidual ti natiliw ditoy Ilocos Norte a naglabsing iti omnibus Election Code wenno gun ban sipud Agosto 28 agingga ita a bulan.
Segun kenni Police Major Jephre Taccad, ti pannakangiawat ti Ilocos Norte Police Provincial Office (INPPO), adda pay ti tallo a paltog ti nakumpiskar, 26 a pidaso ti bala iti nagduduma a paltog ken maysa a balisong.
Inlawlawag na a dagiti natiliw ket manipud iti ili ti Dingras, ken ditoy ciudad ti Laoag.
Kabayatanna, nagpalagip ni Taccad kadagiti addaan ti iskopeta a saan da nga agik-ikot iti daytoy a mapan iti igid ti kalsada kalpasan nga adda dagiti report seknan iti daytoy.
