LAOAG CITY – Umabot iti limapulo a Micro Small and Medium Enterprises ken mannalon ditoy probinsia ti mannarimaan a makiparpartisipar iti Producer to Consumer Program idiay Quezon City ken San Juan City.
Inlawlawag ni Mrs. Elma Gabriel, mangidadaulo ti Micro Small and Medium Enterprise Office wenno MSMEs ti gobierno probinsial ti Ilocos Norte nga itantandudo da dagiti produkto ti probinsia a maidiaya idiay Quezon City ken idiay San Juan.
Imbatadna nga agngudo ti Producer to Consumer Program program kadagiti nadakamat a siudad intono bigat ken nangrugi dagitoy idi Setiembre 27 aldaw ti mierkoles.
Segun ken Gabriel, karaman kadaytoy nga aktibidad ket dagiti mannalon iti ili ti Vintar, Badoc, Batac, Pasuquin ken Bacarra.
Imbatadna nga iti agdama ket umad-adu manen dagiti aggatang saan laeng a dagiti empledo ngem dagiti agturturong idiay Quezon City Hall.
Mamati daytoy nga agtultuloy nga umado ti aggatang nangnangruna ket umasidegen ti bulan ti Disiembre.
Kabayatanna, impetteng ni Garcia ti agtultuloy a binulan a pannakaisayangkat ti Producer to Consumer Program program kadagiti nadakamat a siudad.
